搬屋真係好大件事,特別係啲家電咁矜貴又咁易整爛。為咗畀你啲寶貝安安全全搬到去新屋企,我哋準備咗呢份攻略,等你慢慢跟住做。我哋會講下點樣搬六種常見嘅家電:電視機、電腦、雪櫃、洗衣機、冷氣機同埋消毒碗櫃。每樣嘢都有佢嘅注意事項,你照做就可以大大減少整爛嘅機會啦。 1.電視機 首先斷電同拆線: • 熄咗部電視,拔咗個插蘇 • 小心啲拆晒啲線,天線線、HDMI線咁樣 • 用膠紙綁好啲線,可以貼喺電視背脊度,或者另外包咗佢 等佢凍返: • 如果啱啱先用完,俾啲時間佢冷返 • 等大約半個鐘,等佢返到室溫先 包好佢: • 用柔軟嘅布包住個mon • 用泡膠板或者氣泡紙包實個電視 • 特別要小心保護個mon同底座嗰度 搵個好箱: • 如果仲有原裝箱就最好 • 冇嘅話,用厚紙皮整個啱size嘅箱 • 箱底放個泡膠墊或者毛毯 • 輕輕放入去個箱度 • 用泡膠塊或者紙團填實箱同電視之間嘅空間,唔好畀佢郁得 • 喺個箱度寫住「小心易碎」同「保持直立」 2.電腦 首先backup: • 用外置硬碟或者雲端storage backup晒啲重要嘢 • 確保所有文件同設定都save咗 拆線同斷電: • 熄機,拔晒啲插頭 • 拆晒啲外圍設備同線,例如mon、keyboard、mouse咁 • 標記每條線,等之後易裝返 包主機: • 有原裝箱就用返原裝箱最好 • 冇嘅話用厚毛毯或者氣泡紙包實佢 • 特別要保護通風口同埋啲接口 […]
Menu